11ہزار کالونی کے حالات کو سدھارنے کے لیے ہماری تمام کوششوں کا فائدہ اٹھائیے حاجی عارف انجم

 مالیگاؤں ، مالیگاؤں شہر سے لگ کر 11 ہزار کالونی بنا کر روڈ،گٹر،سڑک اور ریزرویشن کی جگہ بسے افراد کو اتی کرمن کی جگہ سے اٹھا کر یہاں بسانے کا خیال آج سے تقریباً 20 سال قبل پلاننگ کمیشن کی مرکزی ممبر محترمہ سیدہ حمید کی مالیگاؤں وزٹ کے دوران آیا تھا۔ آپ قبرستان بم دھماکہ کے بعد مالیگاؤں کے دورے پر آئی تھیں ۔

آپ نے ہم صحافیوں سے پوچھا تھا کہ مالیگاؤں میں رہنے کے لیے کوئی کالونی ہۓ کیا ؟ ہم نے کہا تھا کہ بہت عرصہ قبل ہزار کھولی بنی تھی۔ اس کے بعد مالیگاؤں شہر میں آج تک کالونی بنانے کی کوشش نہیں ہوئی۔ 

آپ نے علیم فیضی اور مجھے دلی بلا کر اس مسئلہ پر چرچا کی اور اپنے اعلیٰ آفیسران کے ساتھ ہماری میٹنگ کرروائی۔ مجھے اچھی طرح یاد ہے کہ اہلیان مالیگاؤں کی طرف سے میں نے موصوفہ کو رشید آرٹسٹ کے بنائی علامہ اقبال کے شعر پر مشتمل ایک دیدہ زیب پینٹنگ بھی دی تھی۔ 

آپ نے نہایت قلیل عرصے میں 11 ہزار کالونی کا ہزاروں کروڑ روپے کا بجٹ دلوا کر اس کالونی کا کام زور و شور سے شروع کروایا۔

اس کے تعمیری کام میں مالیگاؤں شہر کے تقریباً تمام سیاسی لیڈروں نے جم کر کرپشن کیا، چاہے وہ بر سر اقتدار تھا یا اپوزیشن۔

مالیگاؤں میونسپل کارپوریشن کے سابق کمشنر نے بھی کئی سو کروڑ کا گھپلا کیا،جس تعلق سے آج بھی رضوان بیٹری والا جیسے سوشل ورکرز انکوائری کروانے میں لگے ہیں۔

اس کالونی کے بازو کے کچرا ڈپو کو ہٹانے اور شہر سے دور لے جانے کے لیے مرحوم اقبال ایرانی، الخدمت گروپ کی علقمہ آپا اور میں نے معتدد تحریکیں کی، مگر اس کا نتیجہ صفر رہا۔

اس 11ہزار کالونی میں روڈ،گٹر،سڑک،میونسپل دواخانے، بازار، اسکول، راشن دکان،مالیگاؤں سے 11ہزار کالونی تک آنے جانے کے لیے آمد و رفت کے لیے بس کی سیوا،پولیس اسٹیشن،قبرستان اور دیگر سہولیات کے لیے ہم لوگوں نے بار بار ارضی پھا ٹے کیے اور تحریک چلائی۔ مگر افسوس ہماری ان تمام تحریکوں میں ساکنین 11 ہزار کالونی کا بہت کم ساتھ ملا۔ اس کے بعد بھی ہم اس کالونی میں ضروریات زندگی کی بہت وسائل لانے میں کامیاب رہے، جس میں اول الذکر مالیگاؤں سے 11 ہزار کالونی کے آمد و رفت کے لیے 11 جدید بس کی مہاراشٹر گورنمنٹ سے منظورِی۔مگر اس کے بھی کاغذات ابھی تک ٹھنڈے بستے میں پڑے ہیں۔ 

اس کالونی میں تعمیری کام کے نام پر کئی مرتبہ روڈ گٹر سڑک کے نام پر کئی مرتبہ ٹینڈر نکل کربل تک نکل گئے ،مگر کام صرف کاغذ پر۔

اب جب اس جگہ مکند وادی کے اتی کرمن کے افراد کو لا کر بسایا جا رہا ہے، ان کی چیخ و پکار اور احتجاج کیا رنگ لاتا ہۓ۔ یہ ہمیں دیکھنا ہے۔ 

11ہزار کالونی میں تعمیری اور فلاحی کاموں کے تمام کاغذات آج بھی ہمارے پاس موجود ہیں۔ اگر آج بھی کوئی جیالا جو صرف گفتار کا غازی نہ ہو،وہ اگر چاہے تو ہماری ان تمام سابقہ تحریکوں میں حصہ لے کر جان ڈال کر 11 ہزار کالونی کے ساکنین کی مدد کر سکتا ہے۔ کوئی لیڈر آپ کی مدد کو نہیں ائے گا، آپ کو خود لیڈر بننا ہۓ۔جب تک آپ خود سے نہیں جاگیں گے، آپ کو اسی طرح گندگی میں زندگی گزارنا پڑے گا۔ 

آپ کا لاڈلا بھائی حاجی عارف انجم 9370664181